بصراحة مش عاجبني شكل خطيبتي !!

انا كاتب كتابي وزوجتي علي خلق وحافظة للقرءان ومتعلمة وست بيت شاطرة وصفات كتير كويسة الحمد لله بس شكلها مش عاجبني كان نفسي اتجوز واحدة شكلها حلو وانا شكلي الحمد لله كويس كل الناس بتقول اننا مش لايقين علي بعض وبحس باستغراب من الناس لما يشفوها معايا بتضايق بصراحة وهيا كمان حاسة بكدة وكلمتني وانا ديما بقولها لا انتي عجباني المشكلة فيا انا مش عارف اعمل ايه ديما بحس اني في حلم مش عارف اصحي منه حد يقنعني بالله عليكم انا تعبان اوي
واضح جدا أنك غير مقتنع بزوجتك أو بخطيبتك وواضح انها مش مالية عينك ، لأسباب تتعلق بالشكل وربما أسباب تانية لم تفصح عنها في رسالتك لكنك غير مقتنع بها في المجمل ورغم انه هناك عقد قران لكنك لازلت متردد ، وإن كنت تريد النصيحة فاتركها ، نعم اتركها حتي لو تألمت هي بعض الوقت لكن ذاك أفضل لك ولها ولها هي أكتر أن تتألم قليلا أفضل من أنها تعيش طول العمر مهمشة وفاقدة الثقة بنفسها لأن الشخص اللي اختارته مش مقتنع بيها ، اتركها مش عشان تجد الاجمل والاحلي لكن من اجلها هي ، بالنسبة لك ان تجد الاجمل منها والافضل ذاك شيء في علم الغيب وربنا هو اللي بيقدر الأقدار وبيقسم الأرزاق ، فربما لا تجد الأجمل وربما لو وجدتها ستجدها متعالية عليك تنظر غليك نفس نظرتك الآن لخطيبتك
لن اقول لك فكر وأعد النظر لكن اترك هذه الفتاة لحال سبيلها علها تجد زوجاص افضل منك وأكرم علها تجد رجلا له مفاهيم مختلفة واسع الأفق ذو عقل راجح لا يختار لنفسه زوجة علي أساس الشكل فقط رجل يفكر لبعيد يعرف أن الجمال مش كل حاجة الأهم منه جمال الروح والخلق وطيب العشرة
اتركها وابحث في أرض الله عن زوجة فاتنة تليق بك والدنيا تمتليء من حولنا بالجميلات والفضليات والجميلات الفضليات فاختر لنفسك ما أنت أهل له

أدخل مشكلتك هنا لإرسالها لقسم أوتار القلوب
  • ما هو مجموع 5 + 9
        
lahona
الاسم *
البريد الالكتروني
الدولة
عنوان التعليق *
نص التعليق *