d
ينفع اخلع الحجاب لأني مش مقتنعة بيه ؟

انا بنت عندي 17 سنه اتجبرت البس الحجاب وانا في 2 إعدادي تقريبا وحاولت كتير أقنع اهلي بأني اقلع الحجاب عشان انا حسه اني عار علي أي بنت محجبه بسبب لبسي و كل ما أحاول أحب الحجاب بكره اكتر عشان اتجبرت عليه بحاول بأي شكل اقلعه ولما بقلعة بحس اني حره انا عاوزة اقول رأي واعرف رأي شيخ بالموضوع المفروض أن اهلي يقولو ليا الصح والغلط الحلال و الحرام وانا اختار بينهم وان علاقتي بربنا مش من حق حد يتدخل بيها وأنهم مدام مش قصروا معايا و نصحوني يبقي خلاص انا حبه بجد اقلع الحجاب واختار بارادتي جت عليا فتره كنت حسيت أن الإسلام كل حاجه في حرام ولا فببعد عنه لحد ما مدرس العربي اتكلم معايا هو كان بيدرس في الازهر حسيت أن الدين حاجه كويسه بس محتاجه الي يرشدني بس انا عاوزة ابدا صح باختياري ازاي اهلي مش بيتكلمو علي صلاتي و يتكلمو علي حجابي ولما اتكلم يقولو انتي محتشمه طب ازاي وبحاول اقنعهم أن مش في كده ومش عارفة فكرت اروح لشيخ وتكلم معاه و بعد كده اخد بابا و يروح عشان يقتنع لو انا تفكيري صح بس خايفه يرفض ممكن الي يتكلم يكون شيخ و يفهم مشكلتي .

رانيا - مصر 

للأسف مشكلتك مشكلة عامة مشكلة مجتمع بالكامل ، شايف ان التدين مجرد مظهر وهو الحجاب ، مجتمع لم يربي أبنائه علي الفضيلة واحتؤام الدين والعقيدة ، تخلي عن كل المباديء واختزلها في مجرد حجاب علي الرأس ،
يجبر الأهل ابنتهم علي ارتداء الحجاب وهي طفلة وهما مش فاهمين يعني إيه حجاب وبالتالي عجزوا عن إقناع بناتهم بقيمة الحجاب ومعناه فصارت البنت تشعر أنها مجبرة علي شيء لا بتحبه ولا مقتنعة بيه وصار فيه نفور نضعه علي رأسها وهي مجبرة
واول ما تتاح لها فرصة الاختيار بتختار خلعه فورا وده اللي حاصل دلوقت وسط فتيتات كثيرات أجبرن علي الحجاب صغيرات فلما تحررن من سلطة الأهل ، رمين بالحجاب وتخلصن منه فورا

نصيحة لكل الأهل ، لا تجبروا أبنائكم وبناتكم علي شيئ حاولوا توسعوا مخكم وتكبروا دماغكم حاولوا تقربوا منهم وتعرفوا مشكلتهم ، وبعدين تقنعوا البنات ليه ربنا فرض الحجاب وماتي وعلي مين ، مش أوامر وخلاص ، الزمن ده انتهي وغذا لم تكونوا قدوة لبناتكم ومقنعين لهم ، صدقوني ح يخالفوكم من غير ما تعرفوا ومش ح يعملوا غير اللي هما مقتنعين بيه

خليكم أكثر سلاسة وأكثر مرونة لا تفرضوا عليهم الحجاب في سن صغيرة ، وتقيدوهم بقيود يشعرووا معها بالكبت ، الذي سيولد الانفجار عند أول فرصة تتاح لهم .

لو الإسلام نزل بالجبر والقوة وانتشر بحد السيف كان زمانه انتهي من مئات السنوات ، لكنه انتشر باللين والإقناع وقول المعروف
والدين يسر وليس عسر ولن يشاد الدين احد إلا غلبه كما قال رسولنا الكريم والذي كان أرق الناس أفئدة واكثر الناس لينا في الطباع وقدرة علي الإقناع
صدقوني بناتكم في حاجة لحنانكم أكثر من حاجتهم لفرض الحجاب عليهم بالعافية سيبوهم ادوهم الحرية ليعرفوا الصح والخطأ سيبوهم يختاروا الدين والإسلام والحجاب بطريقتهم لأن الإجبار مش معناه انكم صح بالعكس معناه التعنت والتعسف مع بناتكم معناه انهم يكرهوا نفسهم ويكون عندهم انفصام وهما بيعملوا شيء هما مش مقتنعين بيه رغم أنهم متأكدين في قرارة نفسهم انه صح لكن لانهم معندهمش فرصة للاختيار فهما مش مرحبين بيه
أرجوكم ارفعوا الوصاية عن بناتكم الحجاب مش هو كل الإسلام ، الإسلام أكبر وأعمق من كدة بكتير ، الدين معاملة وتقوي والتقوي محلها القلب ، الدين رحمة وتراحم وتواد وعطف ومساعدة للمحتاج والفقير ، واحترام للكبير ومساندة للضعيف ومعاني كثيرة سامية وراقية ، الحجاب ده مجرد مظهر إسلامي لكنه كل الإسلام

أدخل مشكلتك هنا لإرسالها لقسم أوتار القلوب
  • ما هو مجموع 9 + 3
        
lahona
الاسم *
البريد الالكتروني
الدولة
عنوان التعليق *
نص التعليق *