d
مبحبش خطيبي .. حد يقولي أعمل ايه ؟

انا مخطوبه من سنه ونص خطوبه صالونات عادي خطيبي شخصيه محترمه جدا اي بنت تتمناه بس في عيوب انا مش قادره انقبلها ولا اتعامل معاها واعدنا واتكلمنا كدا مره ومش في اي تغير بالعكس كل الغلط عليا انا قي الاخر اني مش قادره استحمله ولا اي حاجه حالا انا بمتحن وعلي وشك اني اعيد السنه من كنر الضغط اللي انا فيه . المهم بعد المده دي كلها خطوبه انا مش قادره احبه ولا هو كمان قادر بس هو بيقولي بجبكً وانا كمان بقوله بحبك بس مجرد كلمه وفي يوم كنت في الجامعه وكان عندي كورس وشوفت ولد وقلبي بدا يدق جدا و فرحانه انه موحود وانا مش اعرفه اساسا وانا بردوا مخطومه انا عارفه ده غلط بس غصب عني بدات اميل للوالد التاني
وبعيد عن الولد ده اصلا كذا مره يجيلي احساس اني مش فرحانه لو اتجوزت او كملت مع حطيبي
حد يقولي اعمل ايه ويريح قلبي !

رباب - مصر 

لا أعرف السبب اللي يخلي بنت في مثل سنك تقبل الزواج أو حتي الخطوبة من شاب هي مش مقتنعة بيه وكمان عارفة انه هو مش مقتنع بيها ، ومكملة عادي وتشوف شاب تاني فتعجب بيه ويخطف قلبها ومكملة برضه عادي ، انتي صغيرة في السن مستعجلة علي إيه ، وليه تختاري غلط وتفضلي طول عمرك تدقعي تمن اختيار غلط
وليه ما ترفضيش ، خايفة من ايه وعلي إيه ، وانت لا زلت طالبة في الجامعة من ناحية العمر طويل جدا أمامك ، ومن ناحية أنت في سن غير قادرة فيه علي الاختيار السليم والرؤية الناضجة لفكرة الزواج والمسئولية ، مش عارفة ليه البنات بتستعجل ع الخطوبة والجواز ثم بعد ذلك تندم ، ليه ما تنتظريش لما تكملي دراستك وتحصلي علي مؤهلك ، وتشتغلي وتعرفي الحياة كويس وتاخدي شوية خبرة في أنواع البشر وتاخدي حتي خبرة عن نفسك وتعرفي بتتمني إيه في الراجل اللي ح يكون شريك حياتك
بدل ما تمشي مغمية عينك وقافلة دماغك علي اختيار معين وبعدسن تفتحي تلاقي نفسك مدبسة في جوز لا تحبيته وأطفال وحياة مملة باهتة
اصبري إلي تنتهي من دراستك وتكوني قادرة علي اتخاذ قرار وتكون رؤيتك واضحة ، لا أحبذ الزواج في السن الصغير لأنه إن لم يفشل ، بتكون نتيجته أسرة تعيسة جدا

بلاش تعملي حاجة انتي مش مقتنعة بيها ، مش بس في الخطوبة والجواز ولا في أي حاجة في الحياة كل نجاح في الحياة أساسه أننا نكون مقتنعين باختيارتنا وبنحبها ومتوائمين معاها غير كدة بيصبح كل شيء مالوش معني

أدخل مشكلتك هنا لإرسالها لقسم أوتار القلوب
  • ما هو مجموع 9 + 6
        
lahona
الاسم *
البريد الالكتروني
الدولة
عنوان التعليق *
نص التعليق *