قسوة وازدواجية ومغامرات عاطفية.. أكره والدي وأخافه

بعد السلام والتحيه, مشكلتى هى باختصار والدي,كان بيعاملنى معاملة سيئة جداً وأنا صغيرة, ثلاث أو أربع سنوات وعلى كل غلطة صغيرة زى غلطة أى طفل كان يقوم ويضرب فيا بغل, ويربطني بحبل من ايدى ورجلى عشان مقدرش أهرب, ويقعد يضرب لحد ما جسمي يبقى لونين بس, أحمر وزرق, ولما يتعب يقعد يستريح, ويقوم يكمل تانى, كذا مره لحد ما يفش غله, ووالدتى كانت بتقعد تتفرج ببرود وكأن ده اللى انا استحقه عشان اى غلطه طفولية كـأن أكسر حاجه او ادلق علبه السكر, كل اللى كانت بتعمله انها كانت بتيجى تفكنى وتحاول تخلينى اتحرك عشان الدم ميتجلطش في جسمي لأني كنت ببقي فاقده القدرة علي الحركة, ومره تانيه كسرت قزازه بيبسى لف شعرى على ايديه وخبط راسي في درابزين السلم وروحت المستشفى واحتجت خياطه للجرح, والدكتور لما سأله قاله دى أتخبطت فى الدولاب وقعد يهرج معايا عشان الدكتور ميشكش,كمان علي طول ولحد دلوقت دايما على لسانه انى وحشه وفاشلة وعلي طول كل كلامه شتيمة وتجريح, مع أنى خريجة كلية من كليات القمة, عندي 28 سنه, وشكلي مقبول ومحبوبة جدا من الناس.اقرأ أيضاً

سترني رغم فقد عذريتي.. هل أكون له زوجة ثانية؟

زوجتي تخونني مع صديق العمر.. هل أقتلهما معاً؟

تزوجت عرفي قبل زواجي.. أخاف انتقام ربي

زوجي شاذ.. هل أظلمه بطلب الطلاق؟

أنا دلوقت بكرهه أوى, ومش قادرة أعامله زى اى أب , وبحس دايماً بعدم الثقة في نفسي, وساعات كتير بحس انه عنده انفصام لأنه يتعامل في حياته بشخصيتين في البيت بتعامل بشخصية متجهمة, قاسيه, ولسانها جارح حتى مع والدتي, ودايماً بيحسسنا بالدونية وان العيب فينا وبره البيت بيعامل الناس معامله رائعة وكل الناس بتقول عليه ملاك وخصوصا الستات والبنات, بالإضافة لأنه بيعمل أفعال صبيانيه زى التليفونات والشات مع ستات وبيشوفه بيضحك وبيغازل ومش بصدق ان ده أبويا ودلوقت ابويا ده متحكم في حياتي, يرفض زواجي ,دايما يطلع القطط الفاطسه فى اى حد بيتقدملى, ده اسمر , وده دينه مش قد كده, برغم أن ابويا دينه كلام بس وأفعاله معانا لا تمت للدين بصله وماليش حد احكمه في عيلتى, كلهم بيخافوا منه, وإخواتى كلهم بيفكرو فى نفسهم وبس,كل واحد عايز يكبش منه فلوس على قد ما يقدر , وكلهم بيقولو ان هم بعد الجواز مش هيوروه وشهم انا كمان مش بقدر آخد قرار في حياتي, وبشك دايما فى قراراتي وحكمي على الناس وبخاف جدا من الارتباط وبحس ان كل راجل ليه وش تانى بس بيبان بعد الجواز, وخاصة أنى ارتبطت بإنسان سبع سنين وبعد انفصالنا اكتشفت انه كان يمثل عليا طول الوقت وأنه برده مزدوج الشخصية وكان متعدد العلاقات، الآن أنا ليس لي من أحد آخد رأيه أو يساعدني ومش قادرة آخد قرار في أي ارتباط ازاى أب يعمل في أولاده ومراته كدا وازاى في أم تنسى إحساس الأمومة وتشوف ولآدها وتتفرج بسلبية ومتدافع عنهم هل هو ممكن يأثر عليها ويخليها بالجمود ده آسفة للخبطة في كلامي, بس أنا فعلا تعبانه ومش قادرة أتكلم تحياتي.

فتاة مقهورة - مصر

لا حول ولا قوة إلا بالله، هل هناك آباء علي هذه الدرجة من القسوة والعقوق ، وهل هذه الشخصية التي كتبها بمهارة وبراعة صاحب نوبل الراحل نجيب محفوظ في ثلاثيته الرائعة شخصية “سي السيد ” الرجل الفظ داخل بيته صاحب النزوات والمغمرات العطافية خارجه، وقد كان ظني أن هذه الشخصية انقرضت منذ زمن بعيد، حتي قرأت رسالتك.

حبيبتي لا تأسي علي ما فات، والحمد لله أنك رغم كل ما عانيت لم تفشلي بل أنت ناجحة وطموح، أنا فقط أعيب عليك استخدامك للغة العامية وأنت خريجة احدي كليات القمة ، وإن كنت قدرت لك حالة الاضطراب التي تمرين بها، أنا أعرف أن ما حدث لك من قسوة والدك قد أثر عليك بشكل كبير علي المستوي النفسي والاجتماعي، لا أخفيك سراً أنني تأثرت جداً برسالتك ولا أخفيك أيضاً أنني أشفقت عليك من معاناتك والتمست لك ألف عذر لكرهك لأبيك لسوء معاملته لك طوال هذا العمر حتى وبعدما نجحت وأنهيت دراستك لم تتغير معاملته ولا زال علي نفس الصلف والقسوة، وطبيعي جداً أن يكون هذا هو إحساسك تجاهه فالقاعدة الشرعية تقول “الجزاء من جنس العمل ” لكن الكره لن يجلب لك إلا مشاعر العداء وسوء الحالة النفسية ولن يزيدك إلا هماً، والحقيقة لا يمكنني أن أطلب منك أن تحبي والدك كما تحب كل ابنة والدها، فهو يدفع الآن ثمن ما اقترفه في حقك حين لم يحنو عليك طفلة ويرعاك كما يرعي كل أب طفلته الصغيرة.

لكن حبيبتي الكره لن يفيدك ولن يضر والدك فهو فيما يبدو لم يشعر ولن يشعر بأي ذنب نحوك بل ربما كان في قرارة نفسه فخوراً بما فعله معك فقد أدبك وأحسن تأديبك لكن علي طريقة كثيرين يرفعون شعار ” اكسر للبنت ضلع “، فكرهك لوالدك الآن لن يفيد، لكن ما يفيد الآن هو أن تنسي وتسامحي، ولا تفكري كثيراً فيما فعله والدك بك، لأن تفكيرك لن يفيدك أو يفيده، إذا كانت تلك هي طريقته في التربية فماذا أنت فاعلة احمدي الله أنك قد أنهيت مراحل تعليمك بسلام، ولا تلتفتي إلي الماضي كثيراً، بل فكري في المستقبل، وانسي ما فات واصنعي حياتك بإرادتك لا بإرادة أحد آخر.

إذا كان إخوتك يفكرون في أنفسهم والكل يخاف من والدك ففكري أنت أيضاً في نفسك وفي مستقبلك، وإن حداً ممن تقدم لخطبتك وجدت فيه الرجل الصالح والزوج المناسب، فواجهي والدك برغبتك في الارتباط به دون أن يكون في ذلك خروجاً منك علي طاعته أو عقوقاً له بل حافظي علي احترامك له لأن خسارتك لوالدك لن تفيدك في شيء حتى لو لم تكوني في حاجة إليه.

والكاتب الأمريكي وليم شيرر يقول في حالات ضعفي وحزني الجأ إلي وسيلتين الأولي أن أنظر إلي حياة الناس وصفحات التاريخ لأجد من هم أتعس مني وأكثر ألماً مني فيساعدني ذلك علي احتمال ألامي والوسيلة الثانية هي أن أنشد دائماً حياة ملؤها الأمل والتفاؤل ، وهذا هو ما يجب أن تفعلينه الآن فكري في المستقبل فكري في حياة جديدة مختلفة تماماً عن حياتك السابقة لذلك لا تفكري فيما فعله والدك ولا في سلبية والدتك، فتلك هي طريقتهم في التفكير والتأمل فيها لن يفيدك، ولا حتى كرهك لهما لأنه ليس من الإسلام أن يكون عقوقك لوالديك هم جزاءهما حتي وإن بدئوا هما بالعقوق، بل احرصي علي رضاهما طاعة لله فقط وراحة لنفسك أيضاً وقديماً قالوا إن خير ما ننتقم به ممن اتهمونا بالفشل هو أن ننجح ، إنما هذا هو ما يجب أن يكون هدفك في الفترة القادمة النجاح علي كل المستويات النجاح في العمل والزواج الذي يبدأ باختيار الزوج المناسب، وكل ذلك لن تناليه أو تحصلين عليه وأنت تفكرين في الماضي وتجترين الحزن والمرارة علي ما أصابك وعلي ما جناه عليك والدك، بل النجاح يا حبيبتي يتأتي بالصبر والإرادة والقدرة علي النسيان والتعالي علي الآلام والأحزان، والثقة في أن الغد أحلي وأجمل دائماً إن نحن أردنا ذلك ولم نستسلم لمعاناتنا.

إذن فقد آن لك أن تغيري واقعك الأليم وتبدئين حياة جديدة ملؤها التفاؤل والثقة في الله والغد، وقبل ذلك الثقة في نفسك وقدراتك لأن القادم مهما كان سيئاً وهو إن شاء الله ليس كذلك لن يكون أسوأ مما عانيت أو احتملت، والله سبحانه يبشر عباده الصابرين ” وبشر الصابرين ” وأنت ولا شك صبرت علي الأذى وحان وقت الراحة، المهم أن تقوي شخصيتك ولا تكوني بهذا الضعف وهذه الهشاشة التي تجعل ثقتك في نفسك مهزوزة وحكمك علي الأمور غير صائب

عواطف عبد الحميدنتلقي رسائلكم علي الرابط التالي

أدخل مشكلتك هنا لإرسالها لقسم أوتار القلوب
  • ما هو مجموع 5 + 9
        
lahona
الاسم *
البريد الالكتروني
الدولة
عنوان التعليق *
نص التعليق *
    

التعليقات : ( 60 )

حزين جداااااااا جدااااااا

2010-10-07 14:10:13

1

لا تعليق

اصبرى واحتسبى

2010-10-07 14:37:59

2

لن اضيف على ما تفضلت به الفاضله د.عواطف فقد اجادت وافاضت لكن حبيبتى احب ان انوه لك عن نقطه يمكن تكون غايبه عنك هى اولا الجواز قسمه ونصيب وكلنا يعلم هذا ولكن تريسى جيدا حبيبتى عند اختيارك فيمن سيكون شريكا لحياتك كلها ولاتتسرعى هربا مما انت فيه الان فقد تج

لا تحزنى

2010-10-07 14:39:08

3

ربنا يهديلك الاحوال امين يارب

حكاية للعبر.......فاصل ونواصل

2010-10-07 14:39:44

4

يُـحكى أنّ أحد الأطفال كان يلعبُ الكرة في داخل المنزل, وأثناء لعبه كَسَرَ زُجاجَ النافذةِ, فجاءَ أبوهُ إليه بعد أن سمعِ صوت تكسر الزجاج, وسأل: من كسر النافذة ؟ قيل له إبنكَ ( فلان), فلمْ يتمالك الوالدُ أعصابَه, فتناولَ عصاً غليظةً من الأرض ,وأقبل على و

قصيدة منقولة

2010-10-07 14:46:36

5

ان كان الانسان يقسو ويسخر ويحقر الكبير القوي فكيف سيرحم الصغير الضعيف؟؟؟ غريب أمر البشر. كَـسَـرَ الـغُـلامُ زُجِــاجَ نـافـذةِ البـنـا مـن غيـرِ قصـدٍ شأنـهُ شـأنُ البشـر فـأتــاه والدهُ وفي يدهِ عـصــا غضبـان كالليـثِ الجـسـورِ إذا زأر مـسـك

اييه ده ...!!!

2010-10-07 14:51:14

6

هل هناك اباء و امهات بهذا الشكل هؤلاء وحوش ادمية .. يقول الرسول الكريم من لا يرحم لا يرحم ..... لا استطيع التفكير بان هناك انسان ممكن يتعامل مع اولاده و بناته بهذا الشكل ... كان الله في عونك يا اخت .. علاجك يكمن في اللجوء الي الله وحده .. ثم طبيب نفسي لي

مش مقهورة ولاشىء

2010-10-07 15:02:31

7

هو فيه احن من الاب على ابنة او بنتة بس هى مشكلة الضرب احيااانا بتسيب اثر وانت كان شكلك حركية شوية يعنى مابتبطليش تنطيط بس اعتقد موضوع زجاجة البيبسى ده مبالغ فية شوية ومعلش ياسيدتى شوفى انتى بقيت ايه دلوقتى ربنا يبارك فيكى انتى تروحى تبوسى ايدة وشو

و بالوالدين احسانا

0
2010-10-07 15:22:59

8

السلام عليكم أختي الفاضلة هذا ابتلاء, فآصبري فالصبر جميل والله مع الصابرين, وكما قالت لك الأستاذة عواطف عبد الحميد جزاها الله عنا خيرا , انسي الموضوع خالص, واستغفري لأبوك فإن كرهك له لن يفيدك ولن يعاقبه بل سيجلب لك المزيد من الويل, ولهذا انصحك أختي في

ربنا معاكى

2010-10-07 17:14:46

9

اكيد فى حاجات حلوه مش كله ضرب

حياتي تشبه حياتك بالظبط

2010-10-07 17:43:45

10

الرجاء التواصح معي على هذا الأيميل asalysamy@hotmail.com وذلك لأنى حياتى تشبه حياتك بالظبط لاتختلف شيئا عنها وأتمني ان أعرف كيف تحتكين به الان لأنى أنا الأن لا أتعامل مع والدي اطلاقاً

واصبر وما صبرك الا بالله

2010-10-07 18:27:12

11

والدك بيحبك بس هو اسلوبه قاسي شويةثقافته ان هي دي التربيه بكرة الايام تثبتلك ده .اما موضوع الازدواجية والله (بكسر الهاء نصف الرجال عندهم ازدواجية في الشغل يهزر ويضحك مع ده ومع دي واول ما يرحع البيت (يضرب بوز شبه بوز الجزمة)عفوا فى التشبيه بس هي دي الحقيقة

تعليق عجبنى

2010-10-07 19:50:53

12

تعليق ام محمد جميل والله مقتضب جدا بس الجملة ناقصة كلمتين هو كله ضرب مفيش شتيمة فكرتنى بعلاء ولى الدين ايه يعنى صحيح كلة ضلرب ضرب مفيش شوية شتيمة

لا تحزنى

2010-10-07 20:03:51

13

سيأتى اليوم الذى تعلمين فيه أن تلك القسوة قد تكون خيرا لك وسيأتى اليوم الذى يعلم فيه الأب بخطأه فى حقك للتواصل أتمنى أن نتكلم alostaz552000@yahoo.com

لمازلت افول لك اصبرى واحتسبى

2010-10-07 21:29:23

14

الى صاحبه المشكله اقول لك اختى احمدى ربك فوالله انت احسن حالا من اخريات كثيرات فساروى لك قصه طالبه كانت عندى فى احدى المدارس التى عملت بهاوكل يوم ارى كدمات فى وجهها وجروح فى يدها وتحاول البنت ان تداريها الى ان دعانى فضولى للحديث مع البنت .فبدات تقص رو

حب.net

2010-10-07 21:35:46

15

يا غصن نقا مكللا بالذهب أفيدك من الردى بأمي وأبي إن كنت أسأت في هواكم أدبي العصمة لا تكون إلا لنبي يا مالك مهجتي ترفق بالله لا بد لكل عاشق من زله روحي تلفت ومهجتي في عله لا حول ولا قوة إلا بالله الغصن إذا رآك مقبل سجدا والعين إذا رأتك تخشع الرمدا

آآآه يازمن

2010-10-07 22:24:29

16

كنا طفلين نلعب ببيوت الحجر والطين نلهو معآ تداعبنا النسمات طفلين كنا ننتظر للحب معنى ورفقة عمر تجمعنا كنا نضيء للفرح شموع في دروب محبتنا طفلين كنا والاحساس جامعنا ببراءتنا سرنا نحلم نضحك نبكي سويا نجري والعمر بنا يجري نمسك بأدينا والفر

سيدي

2010-10-07 22:52:00

17

على شاطىء البحر أمسك بيدك اليمنى وتمسك بي بيدك اليسرى ونحسب خطواتنا المتناقضه نتسائل بخفقة قلوبنا من يحب الثاني أكثر ؟ نتمرد على دروبنا نتحدى كل القيود نواجه أمواج البحر بأسراره وكبرياءه نقول ولا نقول ولا نعلم ماتخفيه وتكنه الصدور وبلمح البصر

والدك وان ظلمك هو امانك

2010-10-07 23:25:12

18

عزيزتي والدك وان كان قاسيا عليكم فهذا لا يعني انه لا يحبكم والا لكان زوجك مع اول طارق لمنزلكم ليتخلص منك هو يحبك ولكنه اخطا كثيرا بقسوته ولا اعرف من اين هذه القسوة ولكن غالبا انه كان تعيسا جدا في بداية حياته وصب جام غضبه على اولاده هذا هو الأغلب ولو تذكرت

حديث الروح

2010-10-07 23:49:52

19

هب أنك ياقلب أخطات هب أنك كنت تقصد هب أنك لم تقصد أن تطعن القلب الذي أحببت ماذا لو أخطات ؟ قلب الذين تحبهم كل يوم من زجاج لماذا خدشت ولماذا كسرت ؟ فأوقعت من على مرايا الحب الرهيف تلك المزهرية هب أنك أخطات..هب أنك تقصد هب أنك لم تخطيء هب أنك تقصد

مبالغة

2010-10-08 00:38:07

20

اعتقد ان صاحبة المشكلة مبالغة اوي يعني مش فاكرة اي حاجة لوالدك غير الضرب معقولة يعني عمرك 25 سنة مفيش شئ كويس عمله معاكي مستحيل كفاية انك اتخرجتي من كلية من كليات القمة يعني رباكي وصرف عليكي لحد ما اخدتي شهادة عليا نسيتي كل ده ومش فاكرة الا الكم مرة اللي

هي ناقصة ارحمونا

2010-10-08 02:14:55

21

فاصل ونواصل ومشعل الحرية يعني هي ناقصة نكد وغم جايين تكملوا علينا بالقصة الرهيبة ديت أدمعتم أعيننا وفطرتم قلوبنا لقصة ذلك الطفل البرئ رحماك يا إلهي

أحبي والدك وارتمي في حضنه ليشعر بك

2010-10-08 03:22:50

22

اختي هدئي من روعك لا عليك فإن الله محاسبه فأنت أمانة إإتمنه الله عليها سيوضع وحدة في القبر ليسأل عن أماناته أنت واحدة منها وسيقابل الله وحده ليسأله و يحاسبه وليس الله بظلام للعبيد حبيبتي ضعي عن كاهلك كل هذا الألم لأنه يفسد عليك حياتك كلهاكلما شعرت بألم

لاتحزني

2010-10-08 12:17:04

23

لات حزني فربما والدك يفعل ما يفعل بدون شعور وربما يعاني من مرض نفسي او عصبي اعرف انك ستقولين لي وما دنبي انا ولما استحمل كل هذا الضرب لكن يا حبيبتي ذنبك الوحيد وهو اكثر من كافي انك ابنته وانه والدك احببتي ام كرهتي وانت اعلم ببر الوالدين ...ولا تقل لهما اف

يمهل ولا يهمل

2010-10-08 12:23:02

24

على فكره انا مصدقك لأنى مريت بكل اللى حصل لك ،أنا عايزه أقولك ان ربنا لا يمهل ولا يهمل وأبويا مات بعد ما اتبهدل واتذل

الى الفتاة المقهورة

2010-10-08 14:30:49

25

والله انا ليا اخ كان بيضربنى لاتفه الاسباب ومن غير ما اعمل اى مشكلة لو قلت رائي بصراحة وانا مكنتش اخاف من عواقب الصراحة لو فرضا قابل ضيف بطريقة وحشة الومه اخد ضرب ضرب موت واكتر الضرب كان بالاقلام على وجهى واذنى لما جالى ضعف سمع من كتر الضرب عليها كنت الا

كفاية دفاع عن الأب الـ...... ده

2010-10-08 15:06:10

26

بقول لكل اللي عاملين يدافعوا عن الأب و جايين على البنت كفاياكو بأه.. مش كل اللي خد لقب أب أو أم يبقى ملاك..الراجل ده مريض نفسيا..سادي مريض بالسادية ده غير ازدواج الشخصية، و اللي عمالين يقولوا للغلبانة دي انها مش فاكراله غير الحاجة الوحشة .. اه عندها حق عش

أشكو ألما

2010-10-08 18:10:56

27

يا حزن قلبي من يفهم شكواي؟ أصرخ بصوت مبحوح كحشرجة موت ..وصدى صوتي الخائف المرتجف لا يتعدى مسمعي. مادا فعلت بي يا أبي؟وانت يا أم؟ طفولتي الموؤودة في تشكو ألما منكما... جرح روحي الغائر ينزف بلا دم. متخمة دكرياتي الطفولية بالوجع. نعم يا أبي أعترف لك.

عابر سبيل

2010-10-08 18:57:06

28

ممكن شعورك الان ان كل الناس عندهم ازدواجيه وخايفه من كل الناس وممكن لايوجد عندك ثقه فى نفسك او قدره على اتخاذ القرار لكن اقول لكى شىء مهم تعلمى من كل المواقف التى مرت عليكى حتى تستفيدى منها بمعنى انظرى الى المواقف التى اتعرضتى اليها طوال حياتك واتعلمى منه

ما عاقبب من عصي الله فيك بمثل ان تطيع الله فيه

2010-10-08 19:42:04

29

نصحيتي باختصار : 1-امر الشرع ببر الوالدين وان كانا كافرين وهذا يستلزم الاعتذار لهما عن ما جنوه في حق ابنائهم عن جهل ومرض 2-وقد تكفل الله بالمغفرة لمن صدق واجتهد في بر والديه فقال"ربكم اعلم بما في نفوسكم ان تكونوا صالحين فانه كان للاوابين غفورا" 3-فهل ا

أسأل وياريت تجاوبي

2010-10-08 21:20:39

30

تحياتي اخوتي الغاليين وإفتقدتكم كثيرا مشكلة الاخت الحقيقة غريبة ومش قادرة أصدق تفاصيلها لأن بها تناقضات. من كلامك استشف أن أباكي يكرهك ويري أنك غير جميلة..لو كان الوضع كده كان خلص منك لأول عريس أسمر ولا أحمر..لكن واضح أنك غالية عنده وممكن جدا يكون والدك

ليس دفاعا ولكن محاولة لمداواة الجروح

2010-10-09 03:42:08

31

ليس دفاعا عن الأب و لكن لتحيا هي حياة هادئة نعم هناك الكثير من هذه النماذج في مجتمعنا نتيجة لإنهيار القيم و الأخلاق سواء كانت من أب أو أم أو زوج و حتى الأبناء و لا أريد لها أن تكون من نفس الفئه التي آلمتها أما عن الأم فأعتقد أنها كانت تسكت خوفا من أن ي

عندى نفس المشكلة والله

2010-10-09 05:11:04

32

عندى نفس المشكلة والله بس فى أجزاء معينة بذات حتة مغزلة النسوان بذات فى حتةال اسكيزوفرنيا بس حكاية اتضرب ممكن لكن ان يكرهك صعب صدقينى والله اوقات كنت بقول الرجل دا بيكرهنى وانا بكره اكتر لكن مع الصبر والايام اكتشفت مهما كان الاب اب اكيد انتى بتعملى ابو

ربنا معاكى

2010-10-09 09:03:22

33

انا مصدقه كل كلامك وحاسه انك بتكتبى وانتى بحالة من الارتباك الشديد ونوعية الاب دى موجودهوالا مكناش شفنااولاد الشوارع والمجرمين ما دول نتاج اب وام من نوعيات الا لا رحمهولا دين بالتالى لا اخلاق والحمد للهانك قدرتى بالجو ده تخلصى دراستك انا مصدقهوحشيه ا

اهههههههه

2010-10-09 09:04:25

34

التعليقات بقت مناحة كل بنت داخلة تقول ابوها عمل فيها وضربها ومش فاكرين حاجة كويسة لابهاتكم يعني كفاية انه رباكم وزوجكم وعلمكم صحيح الانسان بتار بنعمة ربنا في بنات بيتولدوا مش بيلاقوا ابوهم ببقوا يتامى بيتحرموا من كلمة بابا وفي بنات بيتطلق ابوهم وامهم وبيع

ايه حكاية ألأيميلات

2010-10-09 09:35:24

35

اللي نازلة تهف علينا في المشكلة دية ما قولنا بلاش منها من زمان !!!!!!

تحية للأخت الفاضلة الدكتورة يارا

0
2010-10-09 13:01:58

36

أهلا وسهلا دكتورة يارا --- حمدا لله على سلامة العودة - ويارب تكونى ومن تحبى بخير وأسعد حاااال وليت وقتك يسمح بزيارتنا فى منتدى أوتار القلوب بقلب محيط - حتى ولو للإطلاع فقط وبدون مشاركة إن أحببت ذلك فنعلم جيدا رأيك ونحترمة فى أمان الله وحفظة

حياك الله يا أخي الكريم الفاضل أبوعمر

2010-10-09 13:53:02

37

شكراً جزيلاً أخي الفاضل عمر أفندي علي ترحيبك الكريم الطيب..ربنا يبارك لك في مالك وصحتك وأسرتك. طبعاً أنا أحب جدا إنشاء الله اني اتواجد معكم في المنتدي..و أحب أكون بصحبتكم الطيبة وأعدكم أخي الكريم بالتواجد إن شاء الرحمن...تحياتي وتحيات أسرتي لك ولأسرتك ال

الصبر مفتاح الفرج

2010-10-09 15:49:25

38

الصبر على البلاء ينشأ من أسباب عديدة: أحدها: شهود جزائها وثوابها. الثاني: شهود تكفيرها للسيئات ومحوها لها. الثالث: شهود القدر السابق الجاري بها، وأنّها مقدّرة في أمّ الكتاب قبل أن تخلق، فلا بدّ منها؛ فجزعه لا يزيده إلا بلاءً. الرابع: شهوده حقِّ الله ع

عقوق الابناء موضة هذا العصر

2010-10-09 17:39:48

39

من يحاسب اب على تربية ابناؤه سواء كانت تربية سليمة او فاشلة من الذى يحاسب هذه الفتاة على كل ماقالته ووصفت بها ابوها او من الذى يحاسب ايضا هذه الفتاة بعلاقتها الذى استمرت اكثر من سبع سنوات مع احد الشباب فى النهاية اقول ان هذا الجيل من الشباب فاقد للاهلية

هدى رسول الله صلى الله عليه وسلم

2010-10-09 19:12:41

40

يجماعة الحل قدام عنينا و احنا ناسيينوا للاسف احنا عايشين فى دوامة و انسيين ربنا و ناسيين سنة نبينا عليه الصلاة و السلام - مفتاح القلوب يا جماعة ؟؟ ايه هو - قال رسول الله صلى الله عليه وسلم - تهادو تحابو - عارفة لو جبتى لوالدك هدية ولو بسيطة - وياريت لو ح

اهداء

2010-10-09 19:38:22

41

انا بحييى كل الناس اللى بتشارك هنا - و بهدى - وردة معطرة باريج الياسمين و الفل و عليه شوية بيرفيم ( يا ناس يا عسل يا ناس يا فل) - لكل مشارك و قارىء

اوطاااية

2010-10-09 19:39:55

42

بصراحة بعد الورد انا مش لاقيت اغلى من الاوطة عشان اهادى بيها الناس اللى ذى العسل الموجودة هنا

ارجوكم انصحوني ولا تعاتبوني

2010-10-09 21:34:10

43

انا عمري 28 حبيت شخص التقيت معه بادارة كان عندي استاج مثل علي الحب رفضته بداية اوضل يحاول معي بجميع الطرق وكان يقولي انه يحبني ويريدني للزواج ظل يحاول وكان يتحرش فيني وكنت اصده مرة عملت معاه موعدبرا العمل وحكيتو وقلت ليه لا تعاكسني بمحل الشغل انا مؤقتة وا

أبي ... لك اعتذاري

2010-10-09 23:33:52

44

الاخت الفاضلة .... تتحدثين عن قسوة والدك فتعالي معي لأقص عليكي في عجالة حكايتي الشخصية ....... فقد تفتحت عيوني على أب اذا ما دخل البيت سكت المتكلم ووقف الجالس وعبس الضاحك وهرع كل أفراد الأسرة إلى حال سبيله فمنهم من يلزم مكتبه أو غرفته ومن يهرع للمطبخ ل

استياء شديد

2010-10-10 05:49:24

45

اضم صوتي لاخي الصمت و لا تعلييييييييييق !!!!

تعقيب!!!!!

2010-10-10 06:23:04

46

اخي الفاضل أدهم المصري...رحم الله الوالد رحمة واسعة...فمعظم اباءنا هم مثل والدك..نرتعش من الخوف إذا أخطأنا وقبل ميعاد عودته نرتدي أنظف الثياب ونرتب حجراتنا ونمسك كتبنا أحيانا نضع داخلها قصة ميكي أو الغاز المغامرين لكن لكي نبدوا إننا نذاكر....لكن مع الحزم

حقيقي للتخلف حدود

2010-10-10 06:40:05

47

لاااااااااااااااااااااا تعليق بس فيه سجون يجب أن تحتوي مثل هؤلاء المختلين

الى سومة المغربىة مسلسل43

2010-10-10 07:35:54

48

لو قلنا قال الله وقال الرسول للاسف مش حتسمعواننزل لتحت خالص الافلام والمسلسلات الى ليل نهار بيعرضوها طول النهار بتنصح سواء بأدب او بقلة ادب من 100 سنة سينما وبرضة بتغلطوا طب نعمل ايه بالله عليكى يا يا اخت سومة ننصحك بايه تبدأى حياة جديدة طب ازاى تبلغى عنه

كالعادة

2010-10-10 08:19:50

49

تسلم يا ادهم والله الذى لا اله الا هو كأنك تحكى عنى او كأنى اتكلم عن نفسى ولن تصدق كان المشى فى البيت اثناء نومة على صوابع الاقدام وعند قدومنا كانت والدتى تقابلنا فى فارندة البيت وصابعها على فمها بما تعنى السكوت والهدوء لان والدى موجود وكان كلة ضرب ضرب

أن الله مع الصابرين

2010-10-10 08:53:35

50

أختي مقهورة.. مالك الا الصبر والدعاء بان الله يحنن قلب والديك عليك -واللي أنت فيه هذا نصيبك من الدنيا " أب قاسي مزدوج الشخصية " لكن بنصحك أن تصبري وتحتسب وأن تبري والديك وتعطفي عليهم-وتأكدي أن الله سبحانه وتعالى لن يضيع أجرك-وتأكدي ان الله يعوض صبرك و

إلى سومة المغربية

2010-10-10 09:36:38

51

أولا يا أخت سومة لاتذكرى جنيسة بلدك لأن هنا توجد نوايا سيئة من بعض الشباب العربى ثانيا بنسبة لمشكلتك ياريت ترجعى لربنا لأن اكيد علقتك بيه مقطوعة أرجعى صلى وأدعى أنى يخفف عنك وأن شاء الله ربنا يفرج عناحافظى على قراءة القرأن أما بخصوص الذئب البشرى ال عرفتي

الاخت سومة المغربية والا خ ادهم

2010-10-10 09:46:28

52

الاخ ادهم المصري وقصته هي خير اثبات على صحة ماقلته في تعليقي رقم 34 الاخت سومة قرات قصتك وقد انفطر قلبي فقصتك مكررة للاسف مع كثير من الفتيات اللاتي ينخدعن باول كلمة حب تقال لهن ويخضعن لشباب لا يعرف لله طريق وهذا الشاب عينة من كثير من الشباب لقد اتخدعتي

سوووووومة

2010-10-10 10:10:35

53

انتى بقى ياسومة ال مقهورة ومغدورة حد يسلم الفار مفتاح الفرار ياسومة وبعدين قالوا للحرامى احلف قال جالك الفرج النوعية الغدارة دى مش فارق معاه اغلظ الايمان او الحفان لانة مش مؤمن بالله ال زى ده ابليس فى صورة انسان يستغل طيبة الناس وكرمهم ويعض ال

تحيات

2010-10-10 10:25:51

54

تحياتى للسيد ادهم المصري على تعليقه الاكثر من رائع بارك الله فيك

نعم...نصيحة وليست عتاااب

2010-10-10 10:48:35

55

أختي سومة المغربية قصتك واحدة من الاف القصص التي تحدث في مجتمعاتنا العربية وتتحطم قلوب تحب بصدق أختي سومة...... أتصلي عليه وذكرية بالله عز وجل - أتصلي عليه وذكريه أن يراه وهو لايراه-أتصلي عليه وقول له أن الله سوف ينتقم منه في بنته الصغيرة بالمستقبل ويس

دة مش اب دة شيطان

2010-10-10 13:08:28

56

يا بنتى عادى والله انا ابويا برضة كان كدة وانا دلوقتى عندى 29 سنة وبكرهة وعمرى ما دعيتلة بالرحمة ومش هدعيلة وربنا ينتقم منه مطرح ما راح انا لو منك تروجى تشوفى وكويس اين حلال تتجوزيه حتى لو مش هتلاقوا تاكلو وسيبى الشخص الملعون الى اسمة ابوكى زى ابويا برضة

ادهم المصري

2010-10-10 13:17:45

57

تحية و اعجاب شديدين لتعليقك الرائع بوركت . تحياتي

انما الناس سطور كتبت لكن بماء

2010-10-10 14:33:29

58

وقاتل الجسم مقتول بفعلته وقاتل الروح لا تدري به البشر والحق للعزم والأرواح ان قويت سادت وان ضعفت حلت بها الغير. ختي مقهورة لست مطالبة بأن تحبي والدك فهو لم يزرع ولم يسق حبا حتى يثمر عن حب يحصده..وأيضا ليس عليك أن تنتقمي فالانتقام يزيد العداب أضعافا

أبدا .... لم يكن اعتذارا

2010-10-10 18:19:30

59

الأخ الفاضل مشعل الحرية ... بداية تقبل تحياتي لمرورك الكريم على تعليقي ... لم يكن جمع والدي لي ولإخوتي أبدا اعتذارا لنا بقدر ما كانت إقرارا بحقيقة جهلتها عقولنا الصغيرة وصدورنا الضيقة والتي حكمت على الأمور وفق ميزان واهن وقياس خاطئ فقد لمسنا كلماته ق

شكرا لك....لكن...لو قال لها سامحيني ستنسى كل شيء

2010-10-10 19:10:38

60

احييك وانا أختك...واجابة على سؤالك فببساطة..أنا لست لا مع القسوة التي تهزم النفس وتحرمها السكينة-نمودج مسلم مصري مظلوم وتعليقه- ولا مع التدليل أو عدم الاهتمام الدي يخلق مسوخا.فالتطرف في التعامل له ضحايا في كلا الجانبين.وانت قلتها سيدي الاعتدال مطلوب لا بل