قاموس العبارات المملة بين الأزواج
لهن - هند إبراهيم:

بعد الزواج يتغير الحوار بين الطرفين ويتحول من كلمات رومانسية جميلة إلي عبارات مملة وملاحظات مستفزة.

وقد أكد خبراء العلاقات الزوجية أن المرأه هي الطرف الأكثر عرضة للعبارات المستفزة، كونها المسئول الأول عن أمور المنزل والتربية والأطفال، ما يجعل الرجل يصوب تجاه زوجته بعض العبارات التي تثير غضبها وتزيد عصبيتها.
ومن هذه العبارات أن يسأل الكثير من الرجال زوجاتهم بشكل مستمر: “ماذا سنأكل اليوم؟” من دون أن يدركوا أن هذا السؤال هو أكثر الأسئلة التي تثير ضيق المرأة على الإطلاق، حيث أظهر استطلاع للرأي نشرت نتائجه في ألمانيا أن ثلثي النساء يعتقدن أن هذا السؤال هو أكثر الأمور التي تثير أعصابهن من أزواجهن.
وجاءت عبارة ” ليس بوسعي الاهتمام بكل شيء ” ضمن الجمل التي تثير ضيق 59% من الزوجات، في حين لا تفضل 54% من الزوجات سماع عبارة “إنها ابنتك! ” من الأزواج.
كما أن عبارة: ” إلى متى ستظلين في الفراش؟ ” لا تلاقي استحسان 43% من الزوجات، وكشف الاستطلاع، حسب ما ورد بجريدة ” القبس “، أنه بعد سماع الزوجات مثل هذه العبارات فإنه لا تجدي عندئذ أي عبارات مجاملة من الزوج مثل ” حبيبتي، تبدين رائعة دوماً”، حيث قالت 31% من الزوجات إنهن لا يتأثرن بأي عبارات مجاملة في مثل هذه الأحوال.
وللتعرف أكثر على العبارات التي تضايق الزوجة من زوجها طرح ” لهــنّ ” على بعض الزوجات هذا السؤال، ما هي العبارات المملة التي تثير غضبك من زوجك؟ وما العبارات التي تحبين سماعها منه؟
نوع العلاقة

تؤكد سعاد محمود - مرشدة سياحية - أن هذه العبارات تتوقف على نوعية العلاقة بين الزوجين وهل هي علاقة حب أم علاقة عادية روتينية يتخللها الملل وتسودها الكآبة، ففي حالة كون الزوجين علي درجة من الحب والود تكون من أجمل العبارات التي تحب الزوجة أن تسمعها من الرجل هي ” ربنا يخليكي ليا ربنا ما يحرمنيش منك، انت أجمل نعمة من علي بها ربي وهكذا، موضحة أنه من أكثر العبارات التي أكره سماعها وأنفر منها، هي أنت اتغيرتِ كتير، لم تعودي مثل ما رأيتك أول مرة أين ذهبت رقتك ورمانسيتك واهتمامك بنفسك.. وهكذا.
أما إذا كانت العلاقة بين الزوجين روتينية مملة لا يوجد بها ثقة ولا احترام فتكون العبارة التي تكرهها الزوجة من زوجها ” والدتي جاية تزورنا النهاردة ويمكن تقعد عندنا كام يوم ” وأكتر عبارة تكرهها أيضاً “فلانة زميلتي في الشغل قالت لي كذا وكذا علي فكرة بتسلم عليكي”.
يردد كلام والدته

توضح فاطمة عبدالله - مضيفة طيران - أنه من أكثر العبارات التي تضايقني من زوجي أن يقول ” ماما بتقول كذا ” موضحةً أنه من حقي أن أفكر أنا وزوجي فقط في حياتنا وأن ننفذ ما نراه نحن صحيح ومن وجهة نظرنا نحن وليس من وجهة نظر أي طرف أخر، مضيفة أن هذا التدخل يجعلني حادة الطباع.
وتضيف فاطمة: أن من أكثر الكلمات التي تجعلني أتأفف منه أيضاً أن يقول لي ” جعان - عطشان - حران - ملان - متضايق - بتكلمي مين - يخرب بيت الجواز - روحي شوفى ابنك - الواد بيعيط - انت أم مهملة - المطبخ غير نظيف - اتأخرتي ليه يا هانم - الممثلة ديه حلوة جداً “، موضحة أنه يمكن للزوج أن يقول كل هذه الجمل ويعبر عنها لكن بطريقة جيدة وغير مستفزة.
وتتابع فاطمة أنه من أكثر العبارات المثيرة للغضب ” أنتِ مش فاهمة حاجة ” التي يرددها بعض الرجال بدون داع، فهذه العبارة تشعر المرأة بأنها غبية وتهمش دورها فى صنع القرار.
ومن العبارات التي تريد أن تسمعها فاطمة من زوجها هي عبارات الحب والغزل والدلال مثل ” حبيبتي - بحبك - حياتي أنتِ متألقة اليوم - تسلم ايديكي - يا عمري - نفسي ربنا يكرمني ببنات كتير ويطلعوا شبهك واسميهم كلهم على اسمك ” وهكذا.


إلقاء الأوامر

أما هبة شفيق - ربة منزل - تكره أسلوب زوجها في إلقاء الأوامر وطلباته الكثيرة التي لا تنتهي، موضحة أن الحياة الزوجية أساسها المشاركة بين الطرفين في كل شيء في تربية الأبناء والأمور المنزلية، قائلة: من العبارات التي تضايقني من زوجي ” أريد كوب من الشاي - أريد أن أكل وبسرعة - شوفي أولادك ” هذه الجمل من وجهة نظر هبة تعكر صفو الحياة وتهدد استمرارها.
وتفضل هبة سماع الكلمات الرومانسية التي تحنن قلبها وتجعلها كالخاتم في اصبع زوجها، موضحة أن الرجل يمكنه أن يملك قلب المرأة وعقلها بالحب والعبارات الرومانسية والنظرات الساحرة.
وتوافقها الرأي مروة عبد الرحمن - موظفة علاقات عامة - مؤكدة أن الرجل هو الذي يملك زمام الأمور وهو الأساس في استمرار الحياة الزوجية فيمكنه بعبارة بسيطة أن يسعد زوجته وبكلمة صغيرة أن يتعسها ويعكر عليها صفو الحياة، ومن العبارات التي تضايقها أيضاً ” مش عارف أنام من أولادك ” ، ” حضري لي الحمام “، ” أكلك طعمه غريب “،
ومن العبارات التي تريد سماعها من زوجها “كلمات الشكر” على أي شيء تقوم بفعله وعدم إحساسها بأن هذه الأمور هي واجب عليها يجب أن تفعله دون مقابل، وكلمات الحب طبعاً.


السعادة بين يديك

وفي النهاية عزيزي الزوج تأكد أن المرأة كائن رقيق حساس تتأثر بأقل الكلمات وتسعد بابتسامة رقيقة منك، فلا تبخل على زوجتك بكلمات الاطراء التي تسعدها وتفرحها، لتنعم أنت أيضاً بحياة سعيدة وجميلة خالية من النكد والخلافات، وإليك هذه النصائح المهمة التي تؤمن لك حياتك الزوجية مع من تحب:
- اتقي الله في زوجتك وعاملها بما يرضي الله ورسوله عليه الصلاة والسلام
- حاول أن توفر لها الراحة في كل الظروف الحياتية
- لا تعلق على عيوبها في الملابس أو الطعام أو الكلام بشكل مباشر
- اشتري لها هدية بين حين وآخر وابتكر في تسليم الهدية لها كأن تخفيها في مكان وتدعوها إليه
- لا تكون عنيفاً في التعامل معها وتذكر أنها امرأة (فرفقا بالقوارير)
- إذا كانت لديها هواية شجعها عليها و شاركها في إبداء الرأي و لا تقول(أنا لا افهم في الطبخ أو الزراعة أو الخياطة أو الكمبيوتر)
- اهتم بها في بعض حالاتها النفسية وخصوصاً في وقت الدورة الشهرية و الحمل والنفاس
- إذا دخلت المنزل فلا تفكر في العمل وتحدث معها باهتماماتها وأحوالها اليومية
- ناديها باسم مميز كما كان يفعل النبي ” صلى الله عليه وسلم ” كان ينادي عائشة رضي الله عنها بـ ((عائش))
- قبل رأسها إذا بذلت مجهوداً من أجلك أو عند دخولك المنزل
- اتخذ الزينة في ملابسك فإن ذلك محبب إليها وامدحها وتغزل فيها بين حين وآخر سواء كان الغزل قولاً أو فعلاً
- ساعدها أثناء الطبخ أو تنظيف المنزل أو القيام بمتطلبات الأطفال ليلاً
- تجنب دائما إطلاق الألفاظ السيئة على أهلها وأحبابها ولو ظهر منهم ما يسوء وانتهز الفرصة في إظهارالإحترام لصديقاتها وإكرامهن بما جرت به العادة والعرف.
- أظهر محبتك لزوجتك عند أهلك وأصحابك ولا تخجل من ذلك ولا تسمح لأحد أن ينال منها أو يعتدي عليها واذكرها بالخير إن حصلت مناسبة أو دعت الحاجة.
- تجنب دائما ذكر محاسن النساء عندها وإطرائهن بالصفات الحسية والمعنوية ولو كان لغرض حثها على الخصال الجميلة فإن ذلك يثير الغيرة لديها ويعكر صفو العلاقة ويورثها الحقد والكراهية لأولئك النساء.
- احرص على قضاء حاجات المنزل وتوفير متطلباته ولا تتوان في ذلك ، وكن كريما مع زوجتك بدون منّ ولا أذى وكن في عينها أحسن مما تظن بك فإن الكرم يستر عيوبك ويزيد المرأة حياء منك ويجعلها تتعلق بك أشد التعلق وما أسرت القلوب بشيء أعظم من الإحسان.
برأيكم ما هي أكثر كلمة يقولها الزوج وتستفز الزوجة؟.. شاركونا

lahona
الاسم *
البريد الالكتروني
الدولة
عنوان التعليق *
نص التعليق *
    

التعليقات : ( 38 )

تجربني

2009-10-24 11:29:47

1

من تجربتي احسن للمرأة ان تتزوج رجلا احبها وكتم حبه عنها الى ان تزوجهايضل يحترمها ويودها ويلبي كل طلباتها بحب واشتياق وهي تقدر اللي يعمله لها والمشاكل تخرج بره البيت

اريد حلا

مصر
2009-10-21 02:09:32

2

انا بقى لسة متجوزة بقالي سنة وعندي طفلة بقيت الحياة بنا شئ واحد وهي المتعة الجنسية ودة لما يكون طبعا هو اللي عايز وبقيت حياته الشغل والنت ومشاهدة المواقع قليلة الادب وانا لفت نظره كتير انيبتضايق وهو يقول لي عادي بتفرج ومفيش تقريبا كلام خالص لابوحش ولا حتت

انت تغيرت

2009-10-20 09:13:13

3

انت تغيرت من يوم ماشفتك

الشكوى على الله

2009-10-18 23:14:20

4

ردا على اللي يقول أول ما يدخل البيت طيب أنا أكون مستعدة في نفسي وثيابي و أكلي جاهز بس هو اللي لازم يدخل والجوال في يده يكلم أصحابه يسد نفسي وكل اللي كنت ناوية أسويه أكنسله ::: هذا ما هو ظلم ؟

زعل

2009-10-17 18:08:55

5

مهما تعمل الست للراجل حيبص لواحدة تانية مافيش فايدة رجالة مالهمش حل

اممممممم

2009-10-15 20:31:10

6

بصراحه راجل زي طفل صغير ومرأه المنظمه لوقتها واعمالها حتقدر تعيش ويا حبيبها بدون نكد وهم وكمان الراجل بس يشوف زوجته مهتمه بكل حاجه وبيه ومو مقصره مش هيقصر معها حياه حلوه جدا بس لازم نفهمها ربنا يخليلي حبيبي

اتخنقت

2009-10-15 01:20:06

7

اكتر حاجة بتضايقنى وهى معلش مالهاش علاقة بالجمل اللى بتحبها الست ولا لا لكن اللى تاعبنى ان جوزى معندهوش اى احساس بالذنب يعنى لو زعق وشخط وخلص وانا ماردتش عليه مش بعد ما يهدى يحاول انه يعبر عن ندمه باى طريقة انا مش طالبة انه يجى يقولى انا اسف لانه استحالة

اللي راسل بعنوان ربنا يهديكم!!!

2009-10-14 00:02:24

8

انت اذا كنت فعلا قريت في الدين وعارف وصايا الله ورسوله للمرأه عمرك ما كنت هترد الرد ده----اقرا وافهم الوصايا واتقي الله..

ايه الحل؟.!!!!!!!

مصر
2009-10-13 23:57:30

9

نفسي الاقي حل ..لما الراجل يكون كل تفكيره في الشغل والست محتاجه لكلمه حلوه ..مع انها بتقويه وبتتحمله وبتحاول اد ما تقدر تخبي عنه حاجه تضايقه وتشيل عنه اي هم ..ومع كده يدوب كلمه بحبك مش بتتقال غير في رساله موبايل ...اوقات وده نادرا لما يوقلي وحشتيني وبحبك

متهمين الستات بالنكد وخما اللي بيوصلوها له

2009-10-13 23:49:28

10

19 سنة

2009-10-11 17:39:31

11

على فكرة انا سنى صغير ومش عارفة اذا كانت ناصايحى هتفيد ولا لاء بس اتمنى انها تفيد

اتقوا الله

2009-10-11 17:37:16

12

معلش انا بس هضيف تعليق ليه الست اللى بتسمع كلام زوجها بتعتبرها اهانة وتنازل عن حقها بالعكس انتى كدة بتحترميه ولو زعق او اضايق عليكى شوية استحمليه واسكتى علشان مايغلطكيش وبعد لما يروق انتهزى الفرصة وكلميه فى اللى ضايقك ولما يراجع نفسه ويلاقى انه غلط وانتى

بجد حرام

2009-10-11 17:27:43

13

الرسول عليه افضل الصلاة والسلام اوصى الرجال فى خطبة الوداع وقال اوصيكم والنساء خيرا يعنى بجد اللى بيقترى على بنات الناس مش ده لازم يتردله فى عرضه يعنى امه او بنته او اخته يعنى حرام ولا لاء والست نفس الكلام برده يعنى برده لازم تطيع الراجل لأن برده الرسول ع

بالنسبة للي ترفع الضغط للرجل

2009-10-05 08:58:43

14

اول و اكبر شيء يرفع الضغط عند الرجل و يعمي تفكيره وقتها هو عندما تقوم المرأة بالتنكر لكل شيئ حلو بحياتها مع زوجها مثال:(عمري ماشفت يوم حلو معاك)؟؟؟ (كل حياتي ضيق في ضيق)؟؟؟ (انا اتحمل كل شيئ و انت قاعد تتمشى برا)؟؟؟؟ و الكثير هناك و هذه الأشياء الذي جع

لكى نشتاق للجنه ..........................

2009-10-03 22:13:51

15

مع الوقت ينطفأ لهيب كل شيء ويخبو تدريجيا حتى ولو كان الحب ذاته عندما يتعلق بالغريزه وها هو الواقع اكبر دليل فمن ظل يحب زوجته وتحب زوجها الى نهاية حياتها ربطه بها حبا من نوع ابعد من ملذات الجسد انها تقوى الله التى فى حالة الحب يكرم الزوجين بعضيهما وفى حا

كفايكم ظلم

82
2009-10-03 21:44:45

16

انتو مش عاجبكم العجب اصلا فعلا وبجد .. المرأه ان احسنت لها الدهر كله ما قالت شىء وإن اغضبتها او اسأت لها فى يوم واحد من الدهر كله لقالت والله ما رايت منه شىء حسنناً طوال عشرة عمرنا دا هو طبع المرأه او الاغلبيه منهم عواطفها تسوقها وتقودهاا وتسيطر على

الجواز كدبه كبيره من الزوج

مصر
2009-10-03 04:00:33

17

متجوزه عن قصه حب 10 سنين وخطوبه 2 سنه والنهارده عيد جوازى الاول ومتخنقين خناقه كبيره عشان مستغرب انى عايزه نخرج نحتفل بعيد جوازنا واكتشفت فى نفس الوقت وبمحض الصدفه لقيته بيكدب عليا وكان مع اصحابه بنات وشباب من الشغل فى النادى ومتصور فى حمام السباحه وبمن

الجواز ظلم

مصر
2009-10-03 03:50:16

18

فيها ايه

2009-10-02 17:13:45

19

يعنى هو فيها ايه لما تكون الحياه سلسه وجميله وهاديه؟؟؟ ولا هو انت لازم تهمل مراتك وبالتالى مشاعرها تجف من ناحيتك وبعدين ترجع تقولها هو انتى ست انتى؟؟؟ تعالى شوفى الستات اللى على حق والله افتكرت كلمة احمد ماهر "الراجل مش بس بكلمته الراجل برعايته لبيته واس

البر

2009-10-02 15:42:05

20

أريد أن أتزوج امراة أخرى

نصائح

2009-10-02 08:21:13

21

السلام عليكم أنا عندى فكرة حلوة مش فية فترة خطوبة أكيد بتظهر فيها عيوب المرأة و الرجل لو هما متفقيت على بركة الله و لو هما مو متفقين يبقى الحل يبعدوا عن بعض و لا ست تهزء الراجل و لا الراجل يهزء الست تحياتى لجميع الازاج شكرا

شئ غريب

2009-10-01 15:46:19

22

أنتو بصراحة مش عاجبكم أي حاجة وكل موضوع بتعترضوا عليه ... الموضوع جميل وواقعي بس ياريت الكل يستفيد منه نساء ورجال علشان تستقيم حياتهم ويعيشوا سعداء وكفاية تشوهوا هذا الباب بطولة لسانكم واللي لسانه طويل عنده الحارة اللي هو ساكن فيها يروح يطوله على ناس أمثا

فلم اريد حلا

2009-10-01 11:24:22

23

كلمات بتخلي الثقة فيه معدومه مافيش اي تقدير انا ازاي حأمن على حياتي معاه العيال عشانهم حصبر انما للصبر حدود

ردا على تعليق نصر الله

2009-10-01 10:10:57

24

ليه يااخي ايه مشكلتك بالعكس الموضوع لا بلدي و لا حاخة الست يتناقش الموضوع بشكل منطقي و أسلوب بسيط يعني انت لما بتقول جملة لمراتك في البيت بتكلمها بأسلوب اللغة العربية و لا ايه؟ طبعا بتكلمها مصري فهي عايزة توصل الفكرة بحذافرها ؟ تحياتي

اف

2009-10-01 04:28:11

25

طيب و الستات النكديات نعمل فيهم ايه؟ نولع فيهم؟؟؟؟؟؟؟؟؟؟؟؟؟؟

الله يهديكم

2009-10-01 02:37:36

26

بجد ناقصات عقل ودين خلاص هندقق كمان في الكلمات اللي ممكن تؤذي مشاعر واحاسيس الكائن الرقيق اللي هو المرأة لا حوا الله

ohhhhhhhhhhhhhhhh

2009-09-30 22:45:35

27

كل حاجة بعملها مش بتجبوه لاينه عنده حاجة غلط

اغبى تهديد

2009-09-30 22:17:06

28

اغبى جملة من الزوج بسمعها لما يقول علي الطلاق بالتلاتة ولا حتى علي الطلاق لما يكون عاوز يحلف على حاجة و يهدد لو حاجة مش عاجباه ساعتها بحس اني مش انسان و انما سلعة ممكن تترمى لاتفه الاسباب لو ما وافقتش مزاج سي السيد

فكره

2009-09-30 22:03:22

29

اسكت وبس

البطاطس المحمرة

2009-09-30 20:56:58

30

فى زوجة محترمة معترضة على البطاطسالممرة طب انا بحب البطاطس المحمرة جدا ايه المشكلة تعملى لجوزك بطاطس محمرة انا الحمد لله مش متجوز

قرفان

2009-09-30 20:14:59

31

منتهى الاسفاف وأسلوب لا يليق التحدث به للقراء، كان الاولى لكاتبة الموضوع ان تلبس جلباب بلدي وتمسك بالشيشة بدلا من هذا الموضوع الساقط الهابط إيه قرفان وحران قاعدين في غرزة

بصراحة رجاله عايزة الحرق

2009-09-30 19:59:13

32

بدون تعصب ولا نرفزة...ما تجو نقارن رجالة دلوقتي إلي هما أنعم من البنات..بأبهاتنا...فرق ملوش حل. مابالكم لو فكرنا نقارن بالحبيب المصطفى أو الصحابة...كارثة!!!!!!!!! الام في الزمن دة مش بتربي راجل يعتمد عليه..لاء..دي بتربي قطة سيامي ..يروح مكتبه الصبح...يج

ههههه

دبي
2009-09-30 19:44:49

33

انتو عهاوزين ايه بالظيط عاوزين جنازة وتشبعوا فيها لطم ههههه ، والله كل رجل بيتكلم علي اللي شايفه ومعتقدش ان الرجالة بتغلط في نظرتها للستات ، اهو احنا بنقول يمكن نصحيكم من اللي انتوا فيه ، ومع ذلك محدش بيتعظ واللي في دماغه بتعملوه

جواز ههههههههههههه

2009-09-30 19:19:41

34

اختراع فااااااااااااااااااااشل

حاجة تفقع

مصر
2009-09-30 17:00:22

35

اعتقد ان الزوجة فعلا بتتجوز وتتظلم بعد جوازها مباشرة وده طبعا من اهمال زوجها ليها واهتمامه بشغله اكتر منها تحت عنوان لازم اشتغل واتعب ما هو انا اللي مسئول عن البيت فلازم لما ارجع الاقي الكل تحت امري وفي خدمتي ، ومن هنا تبدأ الخلافات والكلمات المملة اللي ي

عبارات تكرها كل النساء

2009-09-30 16:49:52

36

أنا بقى يضايقنى لو 1 - اكلمه فى موضوع مهم وساعتها يعمص ويتاوب ويقولي سبينى أنا عايزة أنام 2 - لو شميت رائحة أي أنثي فى كلامه حتى لو كانت أمه وكتر فى الكلام عليها شوية .. وطبعا الكلام دا ينطبق على زمايله واقاربة والفنانات 3 - عبارة "انتى لسة فا

اتقوأ الله ومن يتقى الله يجعل له مخرجآ

2010-01-03 09:58:38

37

السلام عليكم ورحمة الله وبركاتة انا عايزه اقول ان الراجل لما يكون كبير فى السن بيعرف ازاى يهتم بمراتة لآنه بيبقى انسان ناضج وعندة خبرة فى فن معاملة الآنثى اما الشباب الايام دى مجرد انة اتجوز وعاش حياتة وزهق من مراتة بيبقى خلاص عايز يغير الست دية وهية تكو

صح كلامك يا على

مصر
2010-07-23 21:57:38

38

بصراحة يا على كلامك صح وكويس فيه جانب كبير صحيح وخصوصا التنكر للاوقات الجميلة لكن هذا يحدث من الطرفان بل فى زمننا اصبح الرجل اكثر تنكر لجمائل الاوقات مع المراة بكلمات صعبة التحمل مثال // انتى ما بتفهميش حاجة// **//انتى مالكيش لزمة//** //ماتدخليش فى حا